Maine 6 saal ke ek bacche se poocha,
betaa,tumhe cartoon network or niccklodean mein se kaun zyaada pasand hai?
baccha bola,
uncle aap kis zamaanay ki baat karte hain,
main kya baccha hun jo cartoon dikhaane ki baat karte hain,
meri zindagi fashion t.v. ki paaband hai,
zoom ki bhi bulandi buland hai,
aur aajkal mazaa nahi aataa kyun ki telecast band hai,
warnaa such bataaun uncle ji,tou TB6 meri pehli pasand hai!!!
maine bacche se poochaa,betaa tumhara parivaar kaisa hai,
tumhaare pitaa kaa vyavhaar kaisa hai??
baccha bolaa, uncle...
aapne nimna-madhyam vargiya parivaar ka haal jaane ko,
bilkul theek namoona khojaa hai,
meray ghar ki haalat bilkul waisi hai,
jaise aapke jootay ke andar , ek phataa huaa mojaa hai!!
meray paapa,
jab office se ghar aate hain,
peg per peg banaatay hain,
botalein khatma honay par cigrettein sulgaatay hain,
aur patay ki baat bataaun uncle,
mahinay ki aakhir mein tou bidiyon pe utar aate hain!!
office se maa'n agar ghar der se laute,
tou khari-khoti sunaatay hain,
waise colony mein unkaa vyavhaar bahut accha hai,
isliye pados ki reena aunty ko darling,
aur bagal waali geeta aunty ko jaane-mann keh kar bulaatay hain!!
itni der mein main,
bacchay ki prakhar buddhi jaan chukaa thaa,
uski oonchii soch pehchaan chukaa tha,
maine us say kaha,
tum jo kuch bhi farmaatay ho,
bilkul theek farmaatay ho,
ye bataao, vikaas ki daud mein tum bhaarat ko kahaan paatay ho???
Baccha kuch der chup raha,
phir gambheer ho kar bolaa,
uncle! aaj bhalay hi humaaray paas parmaanu bum hai,
antariksh aur chaand par humaara quadam hai,
humaari baaton mein wazan,
humaari takneek mein dum hai,
magar aap hi sochiye uncle ji,
meray desh mein,
bhookhon ke liye rotiyaan bhi tou kam hain,
meray desh mein dahej ko sataai bahuon ki aankhen bhi tou nam hain,
meray desh ki ladkiyon ke shareer par kapde bhi tou kam hain,
aur aap kehte hain,vikaas ki daud mein hum hain!
ye humaari sabhyataa ka kaun saa ung hai,
ye humaari sanskriti kaa kaun saa rung hai,
ye jaan lijiye uncle ji,
ki jis din zameen say naataa humaaraa toot jaayegaa,
ye vikaas saara ho jhooth jaayega,
humaaraa bhagya humse rooth jayegaa,
ye meraa bhaarat toot jaayegaa,
hum sub ka bhaarat toot jayegaa!!!!!!!
Copyright-
Ritesh Tripathi"Manthan"
(Published in "Hans", and college magzines of IME, SIMS, and Govt. Degree College,Noida.)
baccha bola,
uncle aap kis zamaanay ki baat karte hain,
main kya baccha hun jo cartoon dikhaane ki baat karte hain,
meri zindagi fashion t.v. ki paaband hai,
zoom ki bhi bulandi buland hai,
aur aajkal mazaa nahi aataa kyun ki telecast band hai,
warnaa such bataaun uncle ji,tou TB6 meri pehli pasand hai!!!
maine bacche se poochaa,betaa tumhara parivaar kaisa hai,
tumhaare pitaa kaa vyavhaar kaisa hai??
baccha bolaa, uncle...
aapne nimna-madhyam vargiya parivaar ka haal jaane ko,
bilkul theek namoona khojaa hai,
meray ghar ki haalat bilkul waisi hai,
jaise aapke jootay ke andar , ek phataa huaa mojaa hai!!
meray paapa,
jab office se ghar aate hain,
peg per peg banaatay hain,
botalein khatma honay par cigrettein sulgaatay hain,
aur patay ki baat bataaun uncle,
mahinay ki aakhir mein tou bidiyon pe utar aate hain!!
office se maa'n agar ghar der se laute,
tou khari-khoti sunaatay hain,
waise colony mein unkaa vyavhaar bahut accha hai,
isliye pados ki reena aunty ko darling,
aur bagal waali geeta aunty ko jaane-mann keh kar bulaatay hain!!
itni der mein main,
bacchay ki prakhar buddhi jaan chukaa thaa,
uski oonchii soch pehchaan chukaa tha,
maine us say kaha,
tum jo kuch bhi farmaatay ho,
bilkul theek farmaatay ho,
ye bataao, vikaas ki daud mein tum bhaarat ko kahaan paatay ho???
Baccha kuch der chup raha,
phir gambheer ho kar bolaa,
uncle! aaj bhalay hi humaaray paas parmaanu bum hai,
antariksh aur chaand par humaara quadam hai,
humaari baaton mein wazan,
humaari takneek mein dum hai,
magar aap hi sochiye uncle ji,
meray desh mein,
bhookhon ke liye rotiyaan bhi tou kam hain,
meray desh mein dahej ko sataai bahuon ki aankhen bhi tou nam hain,
meray desh ki ladkiyon ke shareer par kapde bhi tou kam hain,
aur aap kehte hain,vikaas ki daud mein hum hain!
ye humaari sabhyataa ka kaun saa ung hai,
ye humaari sanskriti kaa kaun saa rung hai,
ye jaan lijiye uncle ji,
ki jis din zameen say naataa humaaraa toot jaayegaa,
ye vikaas saara ho jhooth jaayega,
humaaraa bhagya humse rooth jayegaa,
ye meraa bhaarat toot jaayegaa,
hum sub ka bhaarat toot jayegaa!!!!!!!
Copyright-
Ritesh Tripathi"Manthan"
(Published in "Hans", and college magzines of IME, SIMS, and Govt. Degree College,Noida.)
No comments:
Post a Comment