Wednesday, February 15, 2006

Dushyant kumar aur Hindi ghazal :

Doston,

Dushyant kumar ek aisi shakshiyat hain, jinka yogdaan hindi sahitya me bhulaaya nahi ja sakta.Unka janm uttar pradesh ke bijnaur me hua tha.Samkaaleen rajneeti,samaajik vyavstha adii par unki lekhni is kadar teekhi thi ki Indira gandhi sirkaar ne emergency ke samay unko jel bhijwa diya. lagbhag 45 warsh ki awastha me hi unki mrityu ho gai. Aaiye padhte hain unki kuch rachnaayen-

"Mut kaho aakash me kuhraa ghana hai,
yeh kisi ki vyaktigat aalochana hai,
surya to humne bhi nahi dekha subah se,
surya ka kya dekhna hai".

"Kaun kehtaa hai aasmaan me soorakh nahi ho sakta,
ek patthar to tabeeyat se uchaalo yaron".

"Ab kisi ko nazar aati nahi koi deewar,
ghar ki deewaron par chipke hain itne ishtehaar,
is siray se uss siray tak sub shareekay jurm hain,
aadmi ya to zamaanat par riha hai ya pharaar".

Naari saundarya par unki bhavabhivyakti dekhen-

"Main jise odhtaa bichaata hun,
wahi ghazal aapko sunaata hun,

ek jungal hai teri aankhon me,
jahan main raah bhool jaata hoon,

Tu kisi rail si guzarti hai,
main kisi pul sa thartharaata hun,

Ek baazu kat gaya jub se,
aur zyaada wazn uthaata hun"
- Dushyant Kumar

Enjoy the couplets and post ur views.

One of my poems,which i have written way back in 1998

Chubhti rahin phaans si
dil mein tanhaaiyan,
ye waqya pehla nahi
ki
hai milin ruswaiyan,
Zindagi phool se shool ho gai,
Phir ek baar humse,
Muhabbat ki bhool ho gai.